Administrata komunale e Skenderajt ka protestuar edhe sot prej orës 8 deri në 8 e 30, kundër arrestimit te Sami Lushtakut dhe ish-pjesëtareve të tjerë të UÇK-së. Organizatoret kanë theksuar se protesta do të vazhdojë deri në fund të javës, ndërsa më pas do të shqyrtohen format e tjera të shprehjes së pakënaqësisë.


Protesta që po mbahet që nga e hëna, është formë e kundërshtimit dhe shprehje e pakënaqësisë ndaj arrestimeve të fundit të ish-komandantëve të UÇK-së. Edhe sot kërkesat e protestuesve kanë qenë të njëjta; lirimi sa më shpejtë dhe heqje e akuzave nga EULEX-i ndaj ish-pjesëtareve të UÇK-së.

Ata po ashtu u shprehen se lufta e UÇK-së ishte e drejtë dhe e pastër, dhe se të akuzuarit për krime lufte janë të pafajshëm. ”Ne do te shprehim pakënaqësinë dhe kundërshtimin tonë ndaj arrestimit tq ish komandantëve dhe kryetarit tonë të zgjedhur me votën tone”, ka thënë protestuesit.
(RTK)