Trajneri i Juventusit, Antonio Konte, mendon se Napoli do të jetë skuadër më e fortë pa Edinson Kavanin, i cili pritet të kalojë në radhët e Paris Sen Zhermenit.
Sulmuesi 29-vjeçar uruguaian në 34 paraqitjet e tij në Serie A ka shënuar 29 gola, duke e ndihmuar Napolin që të renditen në pozitën e dytë në edicionin e kaluar në Serie A.
“Mendoj se pagesa e PSZH-së prej 63 milionë euro për Kavanin është një dhuratë për Napolin. Unë do të preferoja që ai të qëndronte në Napoli, ngase me të ne gjithmonë i kemi mposhtur. Nëse ai largohet, do të thotë se Napoli do të investojë 63 milionë euro. Po ashtu, ata tani e kanë edhe Rafa Benitezin, i cili ka fituar gjithçka si trajner. Për mendimin tim ai është nënvlerësuar”, ka theksuar Konte.
Krahas Napolit, trajneri i bardhezinjve si rivalë kryesorë në edicionin e ri ka përmendur Interin, Milanin dhe Fiorentinën. ”Interi ka një trajner të madh, kurse Milani ka humbur vetëm një herë në pjesën e dytë të edicionit të kaluar. Fiorentina gjithashtu është duke u bërë mjaft e fortë me ardhjen e Mario Gomezit”, ka nënvizuar Konte.
(RTK)
Sulmuesi 29-vjeçar uruguaian në 34 paraqitjet e tij në Serie A ka shënuar 29 gola, duke e ndihmuar Napolin që të renditen në pozitën e dytë në edicionin e kaluar në Serie A.
“Mendoj se pagesa e PSZH-së prej 63 milionë euro për Kavanin është një dhuratë për Napolin. Unë do të preferoja që ai të qëndronte në Napoli, ngase me të ne gjithmonë i kemi mposhtur. Nëse ai largohet, do të thotë se Napoli do të investojë 63 milionë euro. Po ashtu, ata tani e kanë edhe Rafa Benitezin, i cili ka fituar gjithçka si trajner. Për mendimin tim ai është nënvlerësuar”, ka theksuar Konte.
Krahas Napolit, trajneri i bardhezinjve si rivalë kryesorë në edicionin e ri ka përmendur Interin, Milanin dhe Fiorentinën. ”Interi ka një trajner të madh, kurse Milani ka humbur vetëm një herë në pjesën e dytë të edicionit të kaluar. Fiorentina gjithashtu është duke u bërë mjaft e fortë me ardhjen e Mario Gomezit”, ka nënvizuar Konte.
(RTK)