Fondi për të Drejtën Humanitare (FDH) ka bërë kallëzim penal në Prokurorin për krime të luftës të Serbisë ndaj katër pjesëtarëve të Ministrisë së Punëve të Brendshme të këtij vendi (MUP-it), për krime lufte ndaj popullatës civile të kryera në Vushtrri në fund të prillit dhe fillim të majit të vitit 1999.
Siç thuhet në komunikatën e Fondit, kallëzimi është bërë ndaj dy pjesëtarëve të identifikuar dhe dy të tjerëve të paidentifikuar të MUP-it të Serbisë, për shkak të dyshimeve të bazuara se gjatë tri incidenteve të ndara, në Vushtrri e rrethinë, kanë vrarë nëntë civilë shqiptarë në prani të anëtarëve të familjeve të tyre.
Në periudhën ndërmjet 24 marsit e 10 qershorit të vitit 1999, në Komunën e Vushtrrisë pjesëtarët e forcave serbe kanë vrarë 403 civilë shqiptarë, nga të cilët 58 gra dhe 10 të mitur, prej të cilëve 12 vazhdojnë të jenë në listën e personave të zhdukur.
Deri më sot asnjë nga kryesit e këtyre vrasjeve, e as të eprorëve të tyre, nuk janë nxjerrë para drejtësisë, thuhet në komunikatën e FDH-së.
(RTK)
Siç thuhet në komunikatën e Fondit, kallëzimi është bërë ndaj dy pjesëtarëve të identifikuar dhe dy të tjerëve të paidentifikuar të MUP-it të Serbisë, për shkak të dyshimeve të bazuara se gjatë tri incidenteve të ndara, në Vushtrri e rrethinë, kanë vrarë nëntë civilë shqiptarë në prani të anëtarëve të familjeve të tyre.
Në periudhën ndërmjet 24 marsit e 10 qershorit të vitit 1999, në Komunën e Vushtrrisë pjesëtarët e forcave serbe kanë vrarë 403 civilë shqiptarë, nga të cilët 58 gra dhe 10 të mitur, prej të cilëve 12 vazhdojnë të jenë në listën e personave të zhdukur.
Deri më sot asnjë nga kryesit e këtyre vrasjeve, e as të eprorëve të tyre, nuk janë nxjerrë para drejtësisë, thuhet në komunikatën e FDH-së.
(RTK)