Zëvendësndihmësja e Sekretarit amerikan të Mbrojtjes, Evelyn Farkas ka thënë në Beograd, gjatë takimit me zv.kryeministrin e parë të Serbisë, Aleksandar Vuçiq, se SHBA nuk do ta largojë kontingjentin e saj në KFOR, derisa nuk do të krijohen kushte më te përshtatshme.


Kurse Vuçiq, ia ka përcjellë zyrtares amerikan kënaqësinë e bashkëpunimit me KFOR-in, si dhe vendimin e SHBA-së që të mbajë nivelin e tashmë të pranisë së kontingjentit në Kosovë, raportojnë mediat serbe.

Sipas këtyre mediave, Vuçiq e ka njoftuar Farkasin edhe me elementet e marrëveshjes së Brukselit të arritur me Kosovën për normalizimin e marrëdhënieve, si dhe marrëveshjen për zbatimin e saj.
(RTK)