Qeveria e Serbisë ka ngarkuar me zbatimin e marrëveshjes për normalizimin e marrëdhënieve me Kosovën pikërisht kundërshtarin më të madh të kësaj marrëveshje, Aleksander Vulin. Ai do të jetë pjesë e Komitetit të përbashkët që do të themelohet me Kosovën për zbatimin e marrëveshjes së arritur në Bruksel.

Ky është vendimi që qeveria serbe mori në një takim urgjent të mërkurën. Vulin javën e kaluar kishte dhënë dorëheqje nga detyra e drejtorit të Zyrës për Kosovën në shenjë proteste për shkak të kompromisit që ishte arritur lidhur me planin për zbatimin e marrëveshjes mes kryeministrit Thaçi dhe atij Daçiq. Me këtë veprim shkruan gazeta prestigjioze gjermane Die Welt, Serbia po rrezikon zbatimin në praktikë të marrëveshjes së arritur me ndërmjetësimin e Bashkimit Evropian.