Sipas statistikave të Policisë së Kosovës gjatë periudhës janar-prill të vitit 2013 kanë ndodhur 5662 aksidente trafiku, ku 3921 janë aksidente të cilësuara me dëme, 298 janë aksidente ku autorët janë larguar nga vendi i ngjarjes dhe 1415 aksidente të cilësuara me lëndime.

Ajo që paraqitet shqetësuese është numri i atyre që kanë humbur jetën gjatë aksidenteve në komunikacion. Shifrat flasin se gjatë periudhës katër mujore në Kosovë nga 28 aksidente të cilat kanë përfunduar me fatalitet, kanë vdekur 42 persona.

Gjatë katër muajve të parë të vitit 2013, Policia e Kosovës i ka shqiptuar gjithsej 90636 tiketa ndaj atyre që kanë kryer kundërvajtje në komunikacion.
(Telegrafi)