Ministri i Punëve të Jashtme i Republikës së Kosovës, Enver Hoxhaj, në kuadër të zhvillimit të Konferencës Ndërfetare në Pejë, ka zhvilluar takime të ndara me dhjetëra përfaqësues të lartë të besimeve fetare të shteteve të ndryshme të botës, që po marrin pjesë në këtë aktivitet ndërkombëtar.


Gjatë takimeve me klerikët e besimeve të ndryshme fetare, Hoxhaj ka thënë se Kosova gjatë tërë historisë ka qenë vend multietnik, multifetar dhe ka ruajtur karakterin e dialogut dhe mirëkuptimit fetar.

Ministri Hoxhaj tha se Kosova është një shembull i tolerancës fetare në rajon, duke theksuar faktin se që nga deklarimi i pavarësisë në vitin 2008, Kosova ka ndërtuar një shtet dhe shoqëri multientike.

Ministri i Jashtëm i Kosovës, Enver Hoxhaj, ka shprehur përkushtimin e institucioneve për mbrojtjen e trashëgimisë kulturore dhe fetare të të gjitha komuniteteve religjioze në Republikën e Kosovës.

Përfaqësuesit e besimeve fetare nga vende të ndryshme të botës, gjatë takimeve me ministrin Hoxhaj, janë shprehur të fascinuar me harmoninë fetare dhe standardet e respektimit të lirive religjioze në Republikën e Kosovës.

Prijësit shpirtëror të vendeve të ndryshme të botës vlerësuan lartë edhe promovimin dhe mbrojtjen e lirive fetare nga institucionet, duke e konsideruar Kosovën si një shembull të mirë për rajonin e më gjerë.

hala do qafira spo i lojn motrat tona me shku nshkolla me shamia po vjen edhe ajo koh