Zëvendëskryeministri i Kosovës, Hajredin Kuçi ka thënë se Projektligji për ratifikimin e marrëveshjes së arritur mes Kosovës dhe Serbisë nuk është kthyer prapa në ekzekutiv, por sipas tij, vetëm është kërkuar një përmirësim.



Kjo është përgjigja e njeriut të dytë në Qeveri, pas mbledhjes së fundit të Komisionit për Legjislacion i cili nuk ka arritur të harmonizoj qëndrimet në lidhje me Projektligjin për ratifikimin e marrëveshjes.

Në mbledhjen e këtij komisioni është thënë se Projektligji i kthehet Qeverisë me kërkesat që të harmonizohet teksti në të tri gjuhët zyrtare, si dhe të rishqyrtohet edhe një herë kërkesa nëse bashkë me marrëveshjen duhet të ratifikohet edhe plani i zbatimit.
(RTK)