Shumica e fëmijëve në Kosovë nuk e dinë se sot është dita e tyre kjo për faktin se qeveria e Kosovës kujtohet për ta vetëm më 1 qershor dhe nuk bënë asgjë për krijimin e një jete sa më të mirë për ta. Kështu mendojnë zyrtarë të Lëvizjes Vetëvendosje sipas të cilëve Kushtetuta e Kosovës përmban ligjet e duhura për mbrojtjen e të drejtave të fëmijëve konform konventave ndërkombëtare por se zbatimi i tyre mungon për shkak të neglizhencës institucionale.


Deputetja Albulena Haxhiu ka thënë se fëmijët janë realiteti i situatës aktuale në të cilën ndodhet Kosova. Ajo ka kritikuar në veçanti kryeministrin Hashim Thaçi i cili, sipas saj, është kujtuar për fëmijë vetëm në mbledhjen e Komitetit Ndërministror për të Drejtat e Fëmijëve, komitet ky i cili, sipas saj, ekziston vetëm për çështje ceremoniale.

“Më shumë shpenzohet për xhipat, karburantet, drekat e darkat e për telefonat e zyrtarëve të qeverisë se sa shpenzohet për fëmijët por kur Hashim Thaçi e bëri këtë urim ai harroi se sot në Kosovë më shumë se gjysma e fëmijëve nuk mund ta festojnë këtë ditë kjo për shkak të arsyeve të ndryshme qoftë për shkak të varfërisë qoftë për shkak të sëmundjeve të ndryshme apo mungesës së shkollimit pra edhe shumica prej tyre nuk e dinë se sot është dita ndërkombëtare e tyre”, ka thënë Haxhiu.

Sipas tyre, rreth 70.000 fëmijë në Kosovë jetojnë me 90 cent në ditë, e në shumë raste edhe më me pak.

kjo ndodh veq te shqiptart