Zëvendëskryeministri i parë i Serbisë, Aleksandar Vuçiq ka biseduar sot pas dite në Beograd me përfaqësuesit politik të serbëve të veriut të Kosovës për zbatimin e marrëveshjes për normalizimin e raporteve ndërmjet Beogradit e Prishtinës, por nga takimi nuk është dhënë ndonjë njoftim e as që ka pas prononcime të serbëve të Kosovës si herëve tjera.


Në takim me Vuçiqin kanë marrë pjesë zv.drejtori i Zyrës së Qeverisë serbe për Kosovën, Krstimir Pantiq, i ashtuquajturi shefi i Qarkut ë Mitrovicës së Kosovës, Radenko Nedeljkoviq, kryetarët ilegal të katër komunave të veriut të Kosovës dhe kryeatri i Këshillit Kombëtar Serbe për veriun e Kosovës, Milan Ivanoviq.

Vuçiq sot para dite është takuar me krerët e Kishës Ortodokse Serbe të cilët i ka n njoftuar në hollësi me marrëveshjen e Brukselit dhe ia ka dal që ta marrë mbështetjen e tyre, kurse në prag të takimit me serbët ka thënë se Qeveria e Serbisë ka treguar se është zota të arrijë ujdi me shtetet dhe qeveritë tjera dhe beson se është në gjendje që një gjë të tillë ta bëj edhe me popullin e vet.

“Jam i sigurt se do të arrijmë ujdi. Forcën e shtetit po e tregojmë me argumente dhe marrëveshje me popullin tonë. Me rëndësi është ti vazhdojmë bisedimet”, ka thënë Vuçiq dhe ka shtuar se qeveria nuk e ka përdorë ndërrimin e atyre të cilët e kundërshtojnë marrëveshjen e Brukselit.