Në kuadër të ditës botërore të dhurimit të gjakut, me moton “Dhuro gjak edhe ti” sot filloi java për dhurimin e gjakut. Qendra e transfuzionit të gjakut do të jetë në dispozicion për dhuruesit vullnetarë dhe ekipet do të jenë në teren në tërë territorin e Kosovës, tha Fadil Mahmuti menaxher për marketing në transfuzionin e gjakut.



Këtë vit manifestimi qendror për dhurimin e gjakut do të mbahet në Francë me moton “ Dhuro dhuratën e jetës”. Mirëpo ky aktivitet ka filluar edhe në Kosovë dhe nuk janë të paktë ata të cilët po i përgjigjen kërkesave për të shpëtuar jetë njerëzish, tha Fadil Mamuti menaxher për marketing në transfuzionin e gjakut.

“Kjo javë është shpallë në kuadër të ditës botërore të dhuruesve të gjakut. Sot ka filluar dhe do të zgjasë deri më 20 qershor. Aktiviteti i ynë do të shtrihet në krejt territorin e Kosovës. Ne do të jemi në teren, mirëpo edhe transfuzioni i gjakut do të jetë në gjendje gatishmërie për 24 orë. Kështu që përpos aktiviteteve të tjera që i bëjmë ne tash më i kemi ekipet tona në teren”, tha Mahmuti.

Mahmuti tha se kjo ditë tashmë është bërë tradicionale dhe se shumë punëtorë jo vetëm të kompanive vendore por atyre ndërkombëtare janë dhurues vullnetarë të gjakut.
(RTK)