(E plotësuar) Delegacionet nga Kosova dhe Serbia, fillojnë sot një raund të ri negociatash në Bruksel, ku një nga temat do të jetë edhe çështja e ndryshimeve ligjore që implikon zbatimi i marrëveshjes së 19 prillit. Aktualisht, Prishtina zyrtare thotë se nuk dihet se sa ligje do të mund të implikonte zbatimi i marrëveshjes, përderisa në Beograd thonë se Kosova do të detyrohet të ndryshojë shumë ligje.
Në Bruksel sot do të takohen delegacionet e Kosovës dhe Serbisë, ku një nga temat do të jetë edhe çështja e ndryshimeve ligjore që implikon zbatimi i marrëveshjes së 19 prillit. Zëvendëskryeministri Hajredin Kuçi ka thënë për Radion Evropa e Lirë se ende nuk dihet numri i saktë i ligjeve që duhet të ndryshohen.
“Grupet punuese do të udhëtojnë për në Bruksel dhe do ta definojnë edhe më qartë edhe pozicionin e ndryshimeve që duhet të jenë, por edhe pozicionet tjera që janë me rëndësi në implementimin e marrëveshjes”, ka thënë Kuçi.
Duke komentuar ndryshimin e kornizës ligjore, Marko Gjuriq, këshilltar i presidentit, Tomisllav Nikoliq, ka thënë ”kjo është gjëja më e rëndësishme sepse mbi bazë të saj nis puna e të gjitha ekipeve të zbatimit, ndërsa pa ndryshime nuk do të ketë zbatim të marrëveshjes”.
Marrëveshja për normalizimin e marrëdhënieve midis Kosovës dhe Serbisë bashkë me planin e zbatimit, pritet të dalë për ratifikim në Kuvendin e Kosovës.
Paraprakisht, Komisioni për Legjislacion planifikon të ftojë për një informatë zëvendëskryeministrin Hajredin Kuçi për të bërë prezantimin e ligjeve që duhet miratuar, ndryshuar apo plotësuar për të zbatuar marrëveshjen me Beogradin.
(RTK)
Në Bruksel sot do të takohen delegacionet e Kosovës dhe Serbisë, ku një nga temat do të jetë edhe çështja e ndryshimeve ligjore që implikon zbatimi i marrëveshjes së 19 prillit. Zëvendëskryeministri Hajredin Kuçi ka thënë për Radion Evropa e Lirë se ende nuk dihet numri i saktë i ligjeve që duhet të ndryshohen.
“Grupet punuese do të udhëtojnë për në Bruksel dhe do ta definojnë edhe më qartë edhe pozicionin e ndryshimeve që duhet të jenë, por edhe pozicionet tjera që janë me rëndësi në implementimin e marrëveshjes”, ka thënë Kuçi.
Duke komentuar ndryshimin e kornizës ligjore, Marko Gjuriq, këshilltar i presidentit, Tomisllav Nikoliq, ka thënë ”kjo është gjëja më e rëndësishme sepse mbi bazë të saj nis puna e të gjitha ekipeve të zbatimit, ndërsa pa ndryshime nuk do të ketë zbatim të marrëveshjes”.
Marrëveshja për normalizimin e marrëdhënieve midis Kosovës dhe Serbisë bashkë me planin e zbatimit, pritet të dalë për ratifikim në Kuvendin e Kosovës.
Paraprakisht, Komisioni për Legjislacion planifikon të ftojë për një informatë zëvendëskryeministrin Hajredin Kuçi për të bërë prezantimin e ligjeve që duhet miratuar, ndryshuar apo plotësuar për të zbatuar marrëveshjen me Beogradin.
(RTK)