Projektligji për ratifikimin e marrëveshjes së parë ndërkombëtare të parimeve që rregullojnë normalizimin e marrëdhënieve mes Republikës së Kosovës dhe Republikës së Serbisë nuk do të miratohet gjatë kësaj jave.



Ndonëse ishte paralajmëruar mbajtja e një seance të jashtëzakonshme për të votuar këtë projektligj, burimet e Agjencisë së Lajmeve Kosovapress, bëjnë të ditur se marrëveshja do të shtyhet për fillimin e javës së ardhshme.

Arsyeja e shtyrjes sipas KosovaPress ka të bëjë me mungesën e kryeministrit Hashim Thaçi i cili nesër qëndron në Bruksel në takim me homologun e tij, Ivica Daçiq.