Qeveria e Kosovës ka zhvilluar mbledhjen e saj të rregullt, në të cilën ka miratuar nënshkrimin e planit të zbatimit të marrëveshjes së 19 prillit, të përafruar nga kryeministrat e Kosovës dhe të Serbisë, Hashim Thaçi dhe Ivica Daçiq, të mërkurën në Bruksel.
Kryeministri i Kosovës, Hashim Thaçi në hapje të mbledhjes, ka ritheksuar qëndrimin e Qeverisë së Republikës së Kosovës dhe ka shprehur brengosjen për zhvillimet e fundit lidhur me dyshimet për krime lufte ndaj ish-komandantëve dhe luftëtarëve të Ushtrisë Çlirimtare të Kosovës.
“Qeveria e Republikës së Kosovës beson plotësisht në luftën e drejtë të UÇK-së, të komandantëve dhe luftëtarëve të saj, luftë kjo që bëri që Kosova të fitojë lirinë, pavarësinë, shtetin demokratik dhe partneritetin e ngushtë me bashkësinë ndërkombëtare, me Shtetet e Bashkuara të Amerikës, Bashkimin Evropian dhe NATO-n”, ka thënë kryeministri Thaçi.
“Qeveria e Republikës së Kosovës ndërton dhe mbështet sundimin e rendit dhe ligjit, funksionimin e pavarur dhe të paanshëm të gjyqësorit në tërësi dhe të EULEX-it dhe pret që edhe ky proces të zhvillohet mbi këto parime që mbrohen nga ne dhe bota demokratike”, ka shtuar Thaçi.
Policia e EULEX-it, në bashkërendim me Njësinë e Operacioneve Speciale të Policisë së Kosovës, ka arrestuar dje pesë persona nen dyshimin për krime lufte.
Kryeministri i Kosovës, Hashim Thaçi në hapje të mbledhjes, ka ritheksuar qëndrimin e Qeverisë së Republikës së Kosovës dhe ka shprehur brengosjen për zhvillimet e fundit lidhur me dyshimet për krime lufte ndaj ish-komandantëve dhe luftëtarëve të Ushtrisë Çlirimtare të Kosovës.
“Qeveria e Republikës së Kosovës beson plotësisht në luftën e drejtë të UÇK-së, të komandantëve dhe luftëtarëve të saj, luftë kjo që bëri që Kosova të fitojë lirinë, pavarësinë, shtetin demokratik dhe partneritetin e ngushtë me bashkësinë ndërkombëtare, me Shtetet e Bashkuara të Amerikës, Bashkimin Evropian dhe NATO-n”, ka thënë kryeministri Thaçi.
“Qeveria e Republikës së Kosovës ndërton dhe mbështet sundimin e rendit dhe ligjit, funksionimin e pavarur dhe të paanshëm të gjyqësorit në tërësi dhe të EULEX-it dhe pret që edhe ky proces të zhvillohet mbi këto parime që mbrohen nga ne dhe bota demokratike”, ka shtuar Thaçi.
Policia e EULEX-it, në bashkërendim me Njësinë e Operacioneve Speciale të Policisë së Kosovës, ka arrestuar dje pesë persona nen dyshimin për krime lufte.