Gjashtë aktivistë të Lëvizjes Vetëvendosje, dega në Prizren, janë shoqëruar për në stacionin policor, rreth orës katër të mëngjesit të sotëm, pasi sipas zëdhënësit të policisë, kapiten Hazër Berisha, ata po hiqnin nga dekorimi i qytetit flamujt shtetëror të Kosovës.



Të gjashtë aktivistët, janë dërguar në Gjykatën Themelore të Prizrenit, pas orës tetë. Pas shqyrtimit të rastit, ata janë liruar rreth orës 11-të.

Sipas kryetarit të degës së Vetëvendosje në Prizren, Arbër Rexha, dy aktivistë, Arlind Manxhuka dhe Valdrin Kabashi, janë keqtrajtuar gjatë arrestimit.

Lëvizja Vetëvendosje shënimin e 135 – vjetorit të Lidhjes Shqiptare të Prizrenit, do ta kremtojë rreth orës 20-të, ku aktivistët me flakadanë në duar zbresin nga kalaja e qytetit e, e sipas tyre vetëm kjo simbolizon se Lidhja është gjallë.
(RTK)