Kuvendi i Kosovës ka mbajtur seancë për shënimin e 14 vjetorit të rënies së heroit Rasim Kiçina dhe të 24 vjetorit të rënies së dëshmorit Ali Ajeti. Me këtë rast kryeparlamentari Jakup Krasniqi tha se në këtë seancë përkujtimore ne i kthehemi historisë sonë, që shënoj pikën e kthimit tonë për liri dhe pavarësi të Kosovës. Në këtë përvjetor është përmendur edhe 14 vjetori i rënies së dëshmorit Ragip Halilaj.

Kryeparlamentari Krasniqi tha se dëshmori Ali Ajeti ishte ndër të parët që filloi kryengritjen e aramatosur në rajonin e Llapit.
Ndërsa duke folur për heroim Rasim Kiçina, kryeparlamentari, Jakup Krasniqi tha se falë gjakut të heronjëve, falë gjakut të Rasim Kiçinës dhe heronjëve të tjerë sot ne gëzojmë lirinë në Republikën e Kosovës.

Deputeti i PDK-së, Ramiz Lladrovci doke folur për veprimtarinë e heroit Rasim Kiçina tha se Rasim Kiçina ishte përfaqësues tipik i eprorit të UÇK-së që dallohej për solidaritet me ushtarin dhe qytetarin.

Ndryshe Ali Ajeti ra dëshmor në vitin 1989, në fshatin Shtedim të Podujevës, ndërsa Rasim Kiçina u vra më 30 maj në vitin 1998 në luftë me forcat ushtarake serbe .
(RTK)