Futbollisti i ri i Mançester Junajtedit, Vilfred Zaha, ka hedhur poshtë spekulimet e mediave se ai mund të largohet nga “Old Trafford”-i për t’iu bashkuar ndonjë klubi tjetër në formë huazimi.



Junajtedi e bleu Zahën në janar të këtij viti, por ai vazhdoi të luante në Kristal Pallas, por në formë huazimi. “Jam shumë krenar që jam te Junajtedi dhe këtu dëshiroj të qëndroj. Edhe pse jam shumë larg familjes dhe miqve të mi, mendoj se ky është një hap i madh përpara në karrierën time. Shpresoj se tifozët do të më kuptojnë pse e bëra këtë lëvizje”, ka theksuar ish-futbollisti i Kristal Pallasit. Ndërkohë, trajneri i Kristal Pallasit, Jan Holovej, ka thënë se nuk e ka ndërmend ta rikthejë Zahën në formë huazimi, ngase dëshiron ta shohë Zahën në përbërjen e parë të Junajtedit.
(RTK)