Ish-ambasadori i Shqipërisë në Kosovë, Bashkim Rama, marrëveshjen e arritur në mes të Kosovës dhe Serbisë e ka quajtur si të arriturën më të madhe të Republikës së Kosovës - që nga çlirimi dhe pavarësimi i saj.




Diplomati shqiptar ka vlerësuar se kjo marrëveshje garanton normalizimin e raporteve ndërmjet dy vendeve. Në një intervistë për ”Epoka e Re”, ai ka thënë se Serbia s’ka asnjë shans që të integrohet në BE pa normalizuar marrëdhëniet me Kosovën.

“Koha do të vlerësojë se kjo marrëveshje është një veprim i mirë i bërë në kohën e duhur”, ka thënë Rama.