Kyetari i Kuvendit, Kakup Krasniqi ka thënë se 12 Qershori, është një nga ditët më të shënuara në kalendarin historik të Republikës së Kosovës. Sipas tij, shteti i Kosovës sot është një faktor paqeje dhe stabiliteti në rajon.



Deklarata e kryekuvendarit Krasniqi me rastin e 12 Qershorit:

”Dita e Lirisë-12 Qershori, është një nga ditët më të shënuara në kalendarin historik të Republikës së Kosovës. Çlirimi i Kosovës, pas një pushtimi të egër shekullor, pas aq shumë përballjeve, sakrificave të panumërta dhe luftës së lavdishme të Ushtrisë Çlirimtare të Kosovës dhe komandantit të saj legjendar Adem Jashari, shpallja e Kosovës shtet sovran dhe i pavarur, janë ditë të shënuara me shkronja ari në historinë tonë më të re.

Shteti i Kosovës sot është një faktor paqeje dhe stabiliteti në rajon. Ajo sot ka miq gjithandej botës,që dëshmohet edhe me njohjen e saj nga 99 shtete. Kosova në rrugën e saj të zhvillimit ekonomik dhe integrimeve euro –atlantike ka mbështetjen e pakufishme të Shteteve të Bashkuara dhe Bashkimit Evropian, si dhe të shumë shteteve të tjera të botës”, theksohet në deklaratën e Krasniqit.
(RTK)