Home
GoldMe 74 për 4 kundër dhe asnjë abstenim Kuvendi i Kosovës miratoi Rezolutën për të drejtat e shqiptarëve në Preshevë, Medvegjë e Bujanoc. Rezoluta kërkon nga Qeveria që të hap zyra në Prishtinë dhe Gjilan, të ketë trajtim të veçantë për të shpërngulurit nga kjo trevë, të kërkohet lirimi i të burgosurve politike, të mbështetet hapja e një universiteti publik dhe realizimi i të gjitha të drejtave të shqiptarëve të kësaj pjese. Po ashtu, kërkohet edhe trysni nga bashkësia ndërkombëtare ndaj Serbisë për respektimin e të drejtave të shqiptarëve.
Pika e parë e Rezolutës kërkon nga Qeveria e Kosovës që normalizimin e raporteve me Serbinë ta shfrytëzojë edhe për përmirësimin e gjendjes së shqiptarëve në Preshevë, Medvegjë dhe Bujanoc. Në njërën prej 10 pikave të rezolutës, të cilën e paraqiti deputeti i LDK-së, Lutfi Haziri kërkohet edhe trysnia e bashkësisë ndërkombëtare ndaj Serbisë për respektimin e të drejtave të shqiptarëve në këtë pjesë.
“Kuvendi i Kosovës fton Këshillin e Evropës dhe organizatat tjera ndërkombëtare që të angazhohen për detyrimin e Republikës së Serbisë për t’i respektuar të gjitha të drejtat e shqiptarëve që dalin nga konventat ndërkombëtare”, tha Haziri.
Për dallim nga seanca e kaluar, PDK-ja dhe kryeministri Hashim Thaçi, kësaj radhe kishin hequr dorë nga propozimi që me Rezolutë të kërkohej amandamentimi i Kushtetutës me një nen, sipas të cilit, Kosova do të obligohej të interesohej dhe kujdesej për shqiptarët jashtë kufijve të saj.
E ndërkohë, në Kuvendin e Kosovës është kërkuar edhe respektimi i të drejtave të grave. Duke marrë shkas nga një fjalim i hoxhë Irfan Salihut nga Prizreni, deputetet Teuta Sahatqija, Blerta Deliu dhe Alma Lama kërkuan nga Bashkësia Islame e Kosovës që të distancohet nga deklaratat e Salihut. Sahatqija, që është edhe kryetare e Grupit të Grave Deputete, tha se portretizimi i gruas si një aparat që dekodohet nga burri vetëm për një qëllim, është poshtërues për të gjithë shqiptarët.
“Kërkojmë nga Bashkësia Islame e Kosovës të distancohet nga kjo mënyrë e predikimit të fesë, nga kjo mënyrë e keqpërdorimit të tempullit fetar”, tha ajo.
Të trija deputeteve iu kundërvu deputeti i Partisë së Drejtësisë, Gëzim Kelmendi, duke thënë se pikërisht këto deputete kanë votuar kundër përdorimit të shamisë në shkolla.
“Këto kanë përgjegjësi që kanë shkatërruar ardhmërinë e tyre, i kanë lënë jashtë shkollave, jashtë procesit mësimor, ndërsa në anën tjetër, dalin në mbrojtje të amoralitetit”, tha Kelmendi.
Ndërkaq, deputetja e PDK-së, Ganimete Musliu, u mor me një tjetër çështje. Ajo reagoi ndaj deklaratave të fundit dhe reagimeve politike se në Kosovë po arrestohen individët dhe jo UÇK-ja.
“Nëse i analizojmë këto deklarata na del se UÇK-ja ishte një ushtri fantome dhe nëse sot komandantët konsiderohen si individë e kriminelë, nuk do të befasohem që nesër ushtarët e UÇK-së, do të quhen cuba, apo edhe xhelatë”, tha Musliu.
Ndryshe, në seancën e sotme, ligjvënësit kanë në rend dite çështje të ndryshme mes të cilave edhe Projektligjin për tregun dhe produktet e naftës dhe Projektligjin për përgjimin e telekomunikimeve.
(RTK)
Pika e parë e Rezolutës kërkon nga Qeveria e Kosovës që normalizimin e raporteve me Serbinë ta shfrytëzojë edhe për përmirësimin e gjendjes së shqiptarëve në Preshevë, Medvegjë dhe Bujanoc. Në njërën prej 10 pikave të rezolutës, të cilën e paraqiti deputeti i LDK-së, Lutfi Haziri kërkohet edhe trysnia e bashkësisë ndërkombëtare ndaj Serbisë për respektimin e të drejtave të shqiptarëve në këtë pjesë.
“Kuvendi i Kosovës fton Këshillin e Evropës dhe organizatat tjera ndërkombëtare që të angazhohen për detyrimin e Republikës së Serbisë për t’i respektuar të gjitha të drejtat e shqiptarëve që dalin nga konventat ndërkombëtare”, tha Haziri.
Për dallim nga seanca e kaluar, PDK-ja dhe kryeministri Hashim Thaçi, kësaj radhe kishin hequr dorë nga propozimi që me Rezolutë të kërkohej amandamentimi i Kushtetutës me një nen, sipas të cilit, Kosova do të obligohej të interesohej dhe kujdesej për shqiptarët jashtë kufijve të saj.
E ndërkohë, në Kuvendin e Kosovës është kërkuar edhe respektimi i të drejtave të grave. Duke marrë shkas nga një fjalim i hoxhë Irfan Salihut nga Prizreni, deputetet Teuta Sahatqija, Blerta Deliu dhe Alma Lama kërkuan nga Bashkësia Islame e Kosovës që të distancohet nga deklaratat e Salihut. Sahatqija, që është edhe kryetare e Grupit të Grave Deputete, tha se portretizimi i gruas si një aparat që dekodohet nga burri vetëm për një qëllim, është poshtërues për të gjithë shqiptarët.
“Kërkojmë nga Bashkësia Islame e Kosovës të distancohet nga kjo mënyrë e predikimit të fesë, nga kjo mënyrë e keqpërdorimit të tempullit fetar”, tha ajo.
Të trija deputeteve iu kundërvu deputeti i Partisë së Drejtësisë, Gëzim Kelmendi, duke thënë se pikërisht këto deputete kanë votuar kundër përdorimit të shamisë në shkolla.
“Këto kanë përgjegjësi që kanë shkatërruar ardhmërinë e tyre, i kanë lënë jashtë shkollave, jashtë procesit mësimor, ndërsa në anën tjetër, dalin në mbrojtje të amoralitetit”, tha Kelmendi.
Ndërkaq, deputetja e PDK-së, Ganimete Musliu, u mor me një tjetër çështje. Ajo reagoi ndaj deklaratave të fundit dhe reagimeve politike se në Kosovë po arrestohen individët dhe jo UÇK-ja.
“Nëse i analizojmë këto deklarata na del se UÇK-ja ishte një ushtri fantome dhe nëse sot komandantët konsiderohen si individë e kriminelë, nuk do të befasohem që nesër ushtarët e UÇK-së, do të quhen cuba, apo edhe xhelatë”, tha Musliu.
Ndryshe, në seancën e sotme, ligjvënësit kanë në rend dite çështje të ndryshme mes të cilave edhe Projektligjin për tregun dhe produktet e naftës dhe Projektligjin për përgjimin e telekomunikimeve.
(RTK)