Aleanca për Ardhmërinë e Kosovës (AAK), i konsideron si shpifje qëllimkëqija dhe pa mbulesë, akuzat e sotme të Lëvizjes Vetëvendosje ndaj AAK-së.


Në konferencën e sotme për shtyp të VV-së, Dardan Molliqaj ka thënë se AAK është parti e haraçit.

“AAK dhe të gjithë qytetarët e Kosovës e dinë dhe e kanë të qartë agjendën e vazhdueshme të Lëvizjes Vetëvendosje. Ne e kuptojmë fustrimin e këtij subjekti politik, por kërkojmë që fajtorët e të gjithë këtij dëmi t’i kërkojnë dhe t’i gjejnë brenda vetes”, thuhet në një njoftim të AAK-së.

AAK potencon edhe një herë se këto shpifje të Vetëvendosjes nuk iu bëjnë përshtypje qytetarëve të Kosovës, e as atyre të Dukagjinit. AAK e fton Lëvizjen Vetëvendosje që të gjitha akuzat, nëse ka fakte, t’i drejtojë në organet kompetente vendore dhe ndërkombëtare dhe të mos lansojë shpifje për konsum politik dhe konform agjendave të saj të dëmshme për vendin, thuhet në njoftim.
(RTK)