Një femër e moshës mesatare është gjetur e pajetë në një banesë në lagjen “Bazhdarhane” në Prizrenit. Sipas hetimeve të para, dyshohet se viktima e gjinisë femërore në moshë mesatare, të jetë shtetase e Shqipërisë, të jetë ekzekutuar me thikë. Viktima ishte vendosur në banesë mbrëmë bashkë me dy vëllezërit e saj.


Kryeprokurori i Prokurorisë Themelore në Prizren, së bashku me ekipet e specializuara për krime të rënda, pas marrjes së informacionit për një trup të pajetë në një banesë në Prizren, kanë dalë në vendin e ngjarjes dhe i kanë kryer hetimet e para rreth rastit. Kryeprokurori Hoxha thotë se vrasja është kryer me mjet të mprehtë, ndërsa nuk ka ende të dyshuar.

I pyetur për hetimet e para, Hoxha thotë se nuk ka ende të dyshuar. Sipas pistës së parë të hetimeve, dyshohet se viktima së bashku me dy vëllezër është vendosur mbrëmë në këtë banesë që e kanë marrë me qira.

Hoxha thotë se femra është e moshës mesatare, ndërsa rasti është raportuar nga pronari i banesës.