Me aktivitete të shumta në Kosovë po shënohet 1 Qershori, Dita Ndërkombëtare e Fëmijëve. Kjo ditë përveçse një ditë festive, duhet të jetë edhe një ditë sensibilizimi për të ndalur dhunën dhe abuzimin me fëmijët.


Me rastin e kësaj dite kryeministri, Hashim Thaçi, tha se Republika e Kosovës ka shprehur gatishmërinë që të marrë përsipër përmbushjen e obligimeve ndërkombëtare për realizimin e të drejtave themelore për të gjithë fëmijët në Kosovë.

Një Qershori e ka origjinën e vet në Konferencën Botërore për Mirëqenien e Fëmijëve, të mbajtur në Gjenevë më 1925.

Sivjet në Kosovë, kjo ditë u kushtohet fëmijëve me nevoja të veçanta.