Trajneri i Chelseat, Jose Mourinho, ka reaguar në mënyrën e tij karakteristike pas barazimit 0:0 kundër Arsenalit. Në fakt, ‘Topçinjtë’ pas kësaj sfide janë ankuar për mos akordimin e një penalltie pas ndërhyrjes së Willianit ndaj Theo Walcottit, si dhe për ndërhyrjen e ashpër të John Obi Mikelit ndaj Mikel Artetas, që nuk u ndëshkua me karton të kuq.
“Atyre u pëlqen të vajtojnë, kjo është në traditën e tyre. Por, mua më pëlqen ta them atë çfarë mendoj, siç i thash gjyqtarit të katërt, se një futbollist anglez nuk do ta provokonte kurrë një situatë të tillë. Megjithatë, lojtarët e huaj, veçmas nga disa vende, provokimin e kanë në ADN-në e tyre”, ka theksuar Mourinho, për të shtuar: “Nëse keni kontakt ose kundërshtari ishte agresiv duhet të ecim tutje, pasi ky është futbolli anglez. Lojtarët e huaj sjellin shumë vlera dhe vijnë këtu sepse janë të talentuar, por unë preferoj gjakun anglez në futboll. Ndërhyrja e Mikelit ishte e ashpër dhe agresive, por futbolli është për burra ose edhe për femrat me qëndrim të fortë. Është e vërtetë se ka sporte pa kontakt ndërmjet lojtarëve, të cilat i respektoj dhe që janë sporte fantastike e që kërkojnë shumë angazhim të lojtarëve, mirëpo futbolli është lojë kontaktesh ndërmjet kundërshtarëve. Ndeshjet në dimër, fushat e lagura, ndërhyrjet e rrëshqitshme me një shpejtësi fantastike, këto e bëjnë futbollin anglez të veçantë. Duhet të jemi krenar dhe të luajmë me krenari. Nëse je i lënduar, në rregull je i lënduar dhe duhet ecur tutje”.
“Atyre u pëlqen të vajtojnë, kjo është në traditën e tyre. Por, mua më pëlqen ta them atë çfarë mendoj, siç i thash gjyqtarit të katërt, se një futbollist anglez nuk do ta provokonte kurrë një situatë të tillë. Megjithatë, lojtarët e huaj, veçmas nga disa vende, provokimin e kanë në ADN-në e tyre”, ka theksuar Mourinho, për të shtuar: “Nëse keni kontakt ose kundërshtari ishte agresiv duhet të ecim tutje, pasi ky është futbolli anglez. Lojtarët e huaj sjellin shumë vlera dhe vijnë këtu sepse janë të talentuar, por unë preferoj gjakun anglez në futboll. Ndërhyrja e Mikelit ishte e ashpër dhe agresive, por futbolli është për burra ose edhe për femrat me qëndrim të fortë. Është e vërtetë se ka sporte pa kontakt ndërmjet lojtarëve, të cilat i respektoj dhe që janë sporte fantastike e që kërkojnë shumë angazhim të lojtarëve, mirëpo futbolli është lojë kontaktesh ndërmjet kundërshtarëve. Ndeshjet në dimër, fushat e lagura, ndërhyrjet e rrëshqitshme me një shpejtësi fantastike, këto e bëjnë futbollin anglez të veçantë. Duhet të jemi krenar dhe të luajmë me krenari. Nëse je i lënduar, në rregull je i lënduar dhe duhet ecur tutje”.