(E plotësuar) Tri shishe me koktej molotovi janë hedhur mbrëmë rreth mesnatës te vendi i quajtur ‘Ura e gjakut’ në Mitrovicë, ndërsa cak i sulmit kanë qenë veturat e EULEX-it. Ngjarjen e ka konfirmuar EULEX-i dhe policia në Mitrovicë.


“Mund të konfirmojmë se koktej molotovi janë gjuajtur në një vend parkim në Shipol, komuna e Mitrovicës, ku ishin të parkuara edhe disa automjete të EULEX-it”, ka theksuar zëdhënësi i EULEX-it, Blerim Krasniqi për RTK.

Policia e Kosovës dhe ajo e EULEX-it kanë filluar një hetim të përbashkët lidhur me këtë incident. Zëdhënësi i Policisë, Avni Zahiti, ka thënë se deri tani nuk ka të arrestuar në lidhje me ngjarjen.